Платежни сметки со основни функции

ОСНОВНИ КАРАКТЕРИСТИКИ

Платежната сметка со основни функции за корисници на законски права се отвора и гласи во денари.
За отворање на ПСОФ се квалификуваа корисник кој:

• Нема отворено друга платежна сметка во денари во Стопанска банка АД – Скопје или во друга банка, штедилница и филијала на странска банка во Република Северна Македонија.

• Користи еден од утврдените основи на законски права:

1. законска издршка, надоместок на штета настаната поради нарушување на здравјето или намалување, односно губење на работната способност и надоместок на штета за загубена издршка поради смрт на давачот на издршката

2. надоместок поради телесно оштетување според прописите за инвалидското осигурување;

3. парична помош од социјална заштита;

4. привремена невработеност

5. додаток на деца и

6. стипендија, кредит и помош на ученици и студенти.

Корисникот на ПСОФ не смее да користи дозволено пречекорување на сметката за платежни услуги со основни функции.

ОТВАРАЊЕ НА ПЛАТЕЖНА СМЕТКА СО ОСНОВНИ ФУНКЦИИ

ПСОФ се отвара на барање на Корисникот.
Корисникот, кој се квалификува за ПСОФ согласно законски утврдените критериуми, може да:
•    отвори нова платежна сметка со основни функции во денари или
•    изврши трансформација на постојна сметка во денари во платежна сметка со основни функции.
Отворањето на нова ПСОФ за корисници на законски права или трансформација на постојна платежна сметка во ПСОФ за корисници на законски права се врши во филијалите на Банката, по барање на Корисникот при што корисникот задолжително:
•    потпишува Изјава со која потврдува дека не поседува друга платежна сметка во денари во земјата.
•    Доставува Решение, не постаро од 6 месеци, за користење на законско право од надлежната институција (Министерство за труд и социјална политика, Министерство за образование и наука и сл.),  со цел да се утврди основот на користење на законското право.

Банката во рок од 10 работни дена ќе му одговори на корисникот дали му е одобрено барањето за отворање платежна сметка со основни функции за корисници на социјални права.
Барањето може да се одобри по направена проверка дека корисникот не поседува платежна сметка со основни функции во Банката или во друга банка во РСМ.
Секоја платежна сметка на барање на Корисникот, доколку ги исполнува законски предвидените услови може да се трансформира во платежна сметка со основни функции и платежна сметка со основни функции на барање на корисник може да се трансформира во платежна сметка, при што ја задржува постоечката единствена идентификациска ознака на платежната сметка.
Банката најмалку еднаш годишно ќе врши преоцена на основот на корисниците на платежна сметка со основни функции, за што корисникот ќе треба да го докаже своето право со приложување соодветен документ.

ПЛАТЕЖНИ УСЛУГИ СО ПСОФ

Платежната сметка со основни функции ги овозможува следните платежни услуги:

1. отворање, одржување и затворање на платежната сметка;

2. уплата на парични средства и повлекување готовина од платежната сметка на шалтерите во Банката каде што е отворена сметката и/или преку мрежа на банкомати во текот или надвор од работното време и

3. платежни трансакции со платежна картичка, вклучително и онлајн плаќање

4. кредитни трансфери, вклучувајќи и трајни налози.

НАДОМЕСТОЦИ ЗА ПЛАТЕЖНА СМЕТКА СО ОСНОВНИ ФУНКЦИИ

Согласно законската регулатива, платежна сметка со основни функции за корисниците на законски права е ослободена од наплата на месечниот надомест за водење сметка.
ПСОФ ги овозможува следните платежни трансакции, по следните надоместоци:

• пет бесплатни безготовински интерни трансакции помеѓу сметки во рамки на Банката (трансакции на шалтер, преку дигитални канли или преку траен налог). Останатите платежните трансакции вклучително: трансакции кои го надминуваат минималниот број на интерни безготовински платежни трансакции (над 5 трансакции) и трансакциите иницирани кон други даватели на платежни услуги (други банки) се тарифираат според редовната тарифа на надоместоци.

• без надоместок за извршување на неограничен број на платежни трансакции за уплата на парични средства и повлекување готовина од платежната сметка, на шалтерите во работните простории или преку мрежата на банкомати на давателот на платежните услуги.

• надоместокот за иницијално издавање и обнова на дебитната картичка се наплаќа согласно редовната тарифа на надоместоците. Увидот и располагањето со средствата на платежната сметка со дебитна картичка е без надоместок за годишна членарина.

• без надоместок за активност преку дигиталните канали (интернет и/или мобилна апликација)