За убави маалски дружби, нов сквер пред платото на Општина Центар, донација од Стопанска банка

„За убави маалски дружби“, Општина Центар доби нов сквер како донација од Стопанска банка - АД Скопје. Скверот е пред платото на Општина Центар на аголот од ул. „Михаил Цоков“ и ул. „Орце Николов“ и вклучува футуристичка инсталација т.н. „урбан атрактор“. Оваа урбана инсталација на платформи со неправилни облици, клупи, декоративно зеленило и паркинг за велосипеди се протега на површина од 56 метри квадратни.

Градоначалникот на Општина Центар, Горан Герасимовски заедно со г. Бојан Стојаноски Генерален директор за управување со ризици и Член на управниот одбор при Стопанска банка АД - Скопје го отворија новиот сквер порачувајќи дека ова катче ќе го оживее просторот и ќе биде ново збирно место за одмор и дружба.

„Ме радува што Дебар Маало добива нов сквер каде граѓаните ќе може да одморат“ вели Герасимовски, додавајќи дека просторот е идеален за пауза и социјализација, особено со вечерното осветлување.

„Маалото е институција која треба да се негува“ изјави Стојаноски, нагласувајќи дека инспирацијата доаѓа од 80-годишната традиција на банката во служење на заедницата.

Скверот е авторско дело на архитектонското студио БМА и Бесиан Мемети, архитект.

Стопанска банка АД - Скопје продолжува да создава трајни вредности за заедницата преку своите општествено одговорни активности во партнерство со граѓанскиот сектор и локалната самоуправа.