Персонализиран извештај за надоместоци

Почитувани,

Ве известуваме дека Согласно Законот за платежни услуги и платни системи, Стопанска банка АД – Скопје како давател на платежни услуги, изработи извештај за сите наплатени надоместоци за услугите поврзани со платежната сметка и за платените и заработените камати на платежната сметка (онаму каде истите се применуваат).

Извештајот се изработува за потрошувачите - физички лица, сопственици на платежни сметки.

Извештајот за надоместоци се изработува еднаш годишно во тековната календарска година и истиот ги содржи платените надоместоци и платени и заработени камати во претходната календарска година во периодот од 01.01.2024 до 31.12.2024 година.

Извештајот за надоместоци е достапен за издавање на шалтерите на Банката во хартиена форма со презентирање на важечки документ за идентификација.

Дополнително, извештајот е достапен и во електронска форма за корисниците на електронско банкарство (e-banking), во мени Извештаи за секоја конкретна платежна сметка.

Со почит, Стопанска банка АД - Скопје